2025年3月29日，我哋一齊為保良局幼童組小朋友舉辦生日會，場地係銅鑼灣禮頓中心麥當勞。每位小朋友頭戴氣球皇冠、手拎禮袋，笑容燦爛，令我哋一眾義工都感動不已。
由氣球佈置到手工製作，每個細節都充滿心思。派對中，小朋友食住快樂餐、唱歌、切蛋糕，收到屬於自己嘅氣球禮物，場面溫馨又熱鬧。
我哋深信，氣球唔止係裝飾，更係愛與關懷嘅媒介。期待下一次再為小朋友送上更多笑聲與快樂🎈💜
